PREP er eit samlivskurs som særleg rettar seg inn mot kommunikasjon i parforholdet, og det som kan styrkja forholdet.
På eit PREP-kurs er det både humor og alvor. Det handlar om kjærleik, forventningar, glede, moro og venskapar, men aller mest om god kommunikasjon.
Målet med PREP er å hjelpe par til å ha større glede av forholdet sitt, lære å kjenne igjen kva slags konfliktar som kan skade forholdet og få nokre verktøy til å forbetre kommunikasjonen og til å løyse problem.
Verkar PREP?
Studiar viser at par som har gått på PREP-kurs har opp til 50 prosent større sannsyn for å bli i parforholdet og vere tilfreds med det enn par som ikkje har fått denne kunnskapen og treninga.
Eigeninnsats er avgjerande for å få utbytte av eit samlivskurs. Det blir sett av tid
Invester i parforholdet - delta på PREP-kurs!
til parvise oppgåver undervegs i programmet. For å skjerme privatliva til para er det ikkje lagt opp til gruppearbeid.
Litt om innhaldet:
- Faresignal: Kommunikasjonssvikt verkar øydeleggjande på samliv. På kurset blir fire faresignal presentert. Kva bør ein gjere viss ein ser faresignal i eige tilhøve? Ved å bli kjent med øydeleggjande mønster i kommunikasjonen kan du hindre at dei får overtaket.
- Tale-/lytteinstruksjon: Deltakarar på eit PREP-kurs trenar parvis på kommunikasjonsteknikk og ein problemløysingsmodell, der dei får tilbod om hjelp av ein instruktør. PREP gjev trening i å kommunisere på ein trygg måte, og handtere usemjer og konfliktar godt når temperaturen blir høy og tema vanskelege.
- Nyt dei gode stundene: PREP handlar om å stimulere venskapen og gleda midt i den travle kvardagen. PREP hjelper par til å finne tilbake tilspenningen og gleda dei hadde då dei først vart saman, og bevisstgjer om viktige tema i samlivet.
Påmelding og kontakt
Kurs vil fortlaupande bli lyst ut på desse sidene. Der kjem det òg fram tidsfristar og korleis ein skal melde seg på.