Norske soldatar har vore til stades ved grensa sidan 1918. På vegner av Noreg og Schengen-landa overvakar og patruljerer Grensevakta den norsk-russiske grensa 24 timar i døgnet, 365 dagar i året. Oppdraget blir løyst både til fots, med båt og kjøretøy eller med ski og snøscooter på vinteren.
Avdelinga held til på Høybuktmoen, ei dryg mil utanfor Kirkenes. Avdelinga har om lag 100 tilsette og om lag 600 vernepliktige. Soldatane opererer ofte i små einingar langt borte frå avdelinga. Under utdanninga legg vi stor vekt på infanteriferdigheiter og evne til å overleve under ekstreme klimatiske høve.