Slik deltar Forsvaret på Oslo Pride 2024
Oslo Pride blir arrangert frå 19. til 29. juni, og Forsvaret deltar med stand og i paraden.
Forsvaret har vore ein aktiv deltakar i Oslo Pride sidan 2013, både i paraden og på stand i Pride Park.
Pride-paraden
Laurdag 29. juni går den tradisjonsrike Pride-paraden gjennom Oslo sentrum, og Forsvaret er sjølvsagt med. Forsvarstilsette, soldatar, veteranar, ansatte i forsvarssektoren og andre forsvarsfolk er velkomne til å delta under Forsvarets fane. Ta gjerne med familie og vener, og ta gjerne med eige regnbogeflagg. Uniform er valfritt.
Paraden startar ved Helga Helgesens plass på Grønland klokka 12.00, og oppmøtestaden er enden av Grønlandsleiret. Møt opp i god tid, seinast klokka 11.30. Dei som vil, kan òg møte på Akershus festning klokka 10.45 for felles avgang til oppstilling på Grønland.
I motsetnad til tidlegare år, endar ikkje paraden i Karl Johans gate ved Spikersuppa. I år har paraden fått ei ny rute og endar opp ved Sofienbergparken, der Pride Park ligg i år.
Ruta går frå Grønland, via Jernbanetorget og opp Storgata og Thorvald Meyers gate til Sofienbergparken.
Pride Park
Forsvaret har i fleire år deltatt på Pride med eigen stand, og det gjer vi også i år.
Standen blir bemanna med frivillige ansatte og soldatar. I år er Pride Park i Sofienbergparken på Grünerløkka.
Standen er open frå onsdag 26. juni til og med laurdag 29. juni. Velkomen innom!