Vogn kommandør på en CV9030n fra Panserbataljonen i Setermoen skytefelt

Nordic Response 2024

Njukčamánus hárjehallet duhájiid mielde norgga ja lihtolaš soalddáha várjalit Davviriikkaid.

Oppdatert: 28. feb. 2024 12:07

Norgga militearahárjehallan Cold Responsas lea guhkes historjá, ja dat čađahuvvo Davvi-Norggas juohke nuppi jagi. NATO viiddideame Suomain ja farga Ruoŧain, viiddiduvvo hárjehallan Nordic Responsan.

Badjel 20 000 soalddáha oasálastet hárjehallamis. Dain leat sullii 10 000 gáttis ja leatge sii geat leat eanemus oidnosis. Oasálasttit bohtet 13 riikkain.

Ávkkálaš liŋkat

Ná dáhppáhuvvá hárjehallan

Hárjehallama deaddu dáhpáhuvvá davvi Norggas, Ruoŧas ja Suomas ja daidda gullevaš áibmolanjat ja áhpeguovllut Erenoamáš olu aktivitehta lea ábis gos leat badjel 50 dieđihuvvon čázevulošfatnasa, fregáhtat, korveahtat, háŋgarfatnasat ja iešguđetlágan amfibie fatnasat.

Áimmus oasálastet badjel 100 soahtegirdi, fievrrádusgirdit, maritiibma vákšungirdi ja lihtolaš CH43 Super Stallion, Merlen, Cobra ja Osprey.

Gáttis galget duháhiid mielde soalddáha várjalit ja suodjalit davviriikkalaš eananguovllu/territoriija iešguđetlágan artellerivuogádagaiguin, soahtevuojániiguin, boagánvuojániiguin ja eará fievrruiguin.

Oasálastit

2024 guovvmánu logut

Gáttis, áimmus ja ábis

20 000

soalddáhat 13 riikkain.
Ábi alde

50+

fregáhta, čáhcevuolefatnasat ja eará fievrrut.
Áimmus

110+

soahtegirdit, helikopterat ja eará áibmofievrru.

Nordic Response 2024 lea lunddolašoassin NATO- stuorrahárjehallamis Steadfast Defenderis mas leat 90 000 oasálasti. Lassin Davviriikaide lea Steadfast Defender Duiskka – Polen – Baltikum guovlluin 2024 dálvvi.

Nordic Response lea maid lakton brihtálašhovdejuvvon áhpebirashárjehallamii Joint Warrior, dáhpáhuvvá ábis gaskal Norgga ja Islándda guovvmánu loahpas.

Gos ja goas

Váldo hárjehallan Nordic Responsas dáhpáhuvvá davimus Davviriikkain Njukčamánu 3. beaivvis Njukčamánu 14. Beaivái. Norggas lea eanaš aktivitehta Bjekvikas ja Sis-Romssas ja viidáset davvinuorttas Áltái ja Sis-Finnmárkui. Lassin šaddá stuorra aktivitehta Romssa ja Finnmárkku riddoguovlluin.

Dálvvi mielde leat maid olu lihtolaš militearat Davvi-Norggas, hárjehallmiin, ráhkkanemiiguin ja eará lihtolaš hárjehallamiiguin. Sivvan dasa lea ahte lihtolaš veagat galget ráhkkanit buoremus láhkái hárjehallat davviriikkalaš dálvedillái.

Ávkkálaš liŋkkat

Joint Warrior hárjehallan

NATO hárjehallamat

Steadfast Defender

Manin mii hárjehallat

Nordic Response čájeha ahte NATOs lea čielga gálga, dáhttu ja fápmu várjalit iežas davviguovvluid. Lihtolaš ovttasdoaibman čájeha ahte alliánsa doaibmá beaktilit ja ovttastuvvomiin fuolahit iežamet oktasaš sihkarvuođa.

NATO lea doarjjan Norgga sihkarvuhtii. Dan dihtii lea dehálaš Norgii ahte lihtolašveagat hárjehallat jeavddalaččat min guovlluin. NATO veagat dárbbašit dasa lassin joatkevaš hárjáneami ja gelbbolašvuođa mo birget galbma árktalaš guovllus.

Suomain ja farga Ruoŧain leat lihtolaš ránnjážagat, váikkuhat nannosat davviriikkalaš ovttaidahttima NATO rámma siskkobealde. Hárjehallan nanosmahttá dasa lassin operatiivvalaš oppalašsuodjalus ovttasbarggu davviriikkain, mii dagaha buoret ovttasbarggu ráfi áigge, heahtedilis ja konflivttas. Lagat operatiivvalaš ovttasbargu Davviriikkain nanne NATO gálgga suodjalit Davviriikkaid.

Nordic Response lea suoddjaleaddji ja transpareanta hárjehallan ja čađahuvvo riikkaidgaskasaš šiehtadusaid ja geatnegasvuođaid vuođul.