Njuolggadusat drona- ja siviila girdimiid ektui.
Nordic Response 2024 hárjáhallan dagaha lasi joholaga norggas ja lihttolaš johtolaga áibmolanjas. Dát dagahit ahte leat biddjon njuolggadusat mat gusket siviila áibmojohtolahkii – maiddái dronagirdimii.
Les på norsk • English version
Njuolggadusat mat gusket áibmofievrruide ja siviila girdimiidda gusket Davvi-Romsii ja Finnmárkui ja ásahuvvojit fuolahan dihte girdisihkarvuođa hárjehallama áigodagas. Ovdamearkkadihte leat 110 girdi ja helikoptera mat girdet, ja eastadan dihte bárttiid ja lihkuhisvuođaid drona girdimiid geažil leat njuolggadusat biddjon.
Kárta dáid guovlluide gosa njuolggadusat leat biddjon gávdnojit AIP AIRAC SUP 02/24 as. Fuomáš ahte buot lágan siviila drona girdimat dáin guovlluin galgá Norwegian Joint Air Operation Centre (JAOC) dohkkehit unnimustá 72 diimmu ovdal girdima. Girdimiin galgá leat erenoamáš servodat ávkkálaš doaibma jus galgá dohkkehuvvot. Geahča menyas mo galggat ohcat.
Njuolggadusguovllut gustojit birra jándora njukčamánu 4.beaivvis gitta njukčamánu 15.beaivái 2024. Suodjalus váidá politiijáide buot njuolggadus rihkkumiid mat dáhpáhuvvet norgga áibmolanjas.
Jus leat gažaldagat dása de sádde daid Norwegian Joint Air Opertion Centre (JAOC) e-poasta bokte: jaoc@mil.no.
Njuolggadusat eai guoska politiijáide, ámbulánsaidde, buollin dahje eará ohcan ja gádjunbargguide, dahje eará vuoruhuvvon girdimiidda.
Koordináhtat, njuolggadusat ja sierralobit.
-
Njuolggadusat mat gusket siviila girdimiidda gusket Davvi-Romssa guovlluide ja Finnmárkui, ja gustojit gaskal njukčamánu 4.beaivvis gitta njukčamánu 15.beaivái. Dán áigodagas lea siviila girdin ja dronagirdin gildojuvvon dáid guovlluin mat leat bagaduvvon dás vuollelis:
Leat maid njuolggadusat Suoma ja Ruoŧa áibmilanjas seamma sivas.
Suoma ja Ruoŧa áibmolatnjii maid fertejit sierralobit siviilagirdimii ja dronagirdimii mat addojuvvot riikkaid iežaset rutiinnaid olis.
-
Buot girdimat leat gildojuvvon njuolggadusguovlluin gos NOTAM lea almmuhan njuolggadus guovlun – earret jus Suodjalus ja Áibmojohtolatbearráigeahčču lea addán erenomáš lobi.
Gielddus gustu buot áibmojohtolahkii oktan pilohtakeahtes áibmojohtolatfievrruide ja modealla girdiide – earret jus lea eará diehtu NOTAMas čuovvu.
Gielddus dieđusge ii guoska militeara-, politiijá-, ámbulánsa-, ohcan- ja gádjun doaimmaid dahje hárjehallamiid oktavuođas.
-
Áibmojohtolatbearráigeahčču sáhttá sáhkohit áibmojohtolat lága vuođul §13a-5 nr.6, Nordic Response gustojeaddji áibmojohtolat njuolggadusaid rihkumis.
-
Sierralobi ohcan – ná ozat
- Sádde ohcama Suodjakussii e-poasta bokte: jaoc@mil.no. Dát ohcamuš galgá sáddejuvvot unnimus 72 diimmu ovdal plánejuvvon girdima.
- Ohcamuš galgá sisttisdoallat čuovvovaš dieđuid:
- Áigodat: Plánejuvvon girdileapmi ja seaivun áigi almmuhuvvo UTC hámis.
- Girdin máŧki: Čilgehus plánejuvvon máŧkki birra, čuvgejuvvo koordináhtaiguin LAT/LONG DDMMSS hámis. Sáhttá maid bidja oahpes geográfalaš namaid jus lea áigeguovdil ohcamuššii.
- Vertikála gáržžideamit: Vuollegat ja alladat allodat addojuvvo juolggat (fot) mihttus.
- Tevnnet: Plánejuvvon girdinguovllus dahje máŧkkis.
- Makkár áibmofievru: Omd. Girdi, helikopter dahje UAS (dronat)
- Logahallannummir (reg.nr) ja dahje gohčodansignála jus lea dakkár.
- Čilgehus aktivitehtti ja dan ulbmil.
- Oktavuođadiehtu: persovdna/searvi, operatevra, telefonnummar mas oažžut du ságaide.
Mii eat sáhte dáhkkidit ahte ohcan addo. Girdimiin galgá servodat ávkkálaš ávki, ja dainna ii galgga leat eará militeara aktivitehta seamma guovllus. Sáhttá nu ahte lea Suodjalusas soahtehearrá fárus girdima oktavuođas.
Dat mii guoská ruoŧa ja suoma áibmolatnjii, fertejit sierragirdinlobit, dronaide maid, addot riikkaid iežaset rutiinnaid mielde.
