Denne siden bruker informasjonskapsler (cookies)

Forsvaret.no bruker informasjonskapsler (cookies) for å forbedre brukeropplevelsen, opprettholde nettsidens funksjonalitet og til markedsføring.

Min side
Norsk English
Hei, hva ser du etter?
F.eks. ledige stillinger, pressemeldinger eller medaljer.
X (Twitter) logo Facebook logo Instagram logo LinkedIn logo
Saab safari flyr over Bardufoss.

Bardufoss

Bardufoss garnison er heimebase for fleire store avdelingar i Hæren og Luftforsvaret.

Oppdatert: 18. jul. 2023 11:37
Sted
Lokasjonspin Bardufoss
Adresse
Bardufoss garnison, 9325 Bardufoss
Kontakt
915 03 003

Bardufoss garnison er den største militærleiren i Nord-Noreg. Garnisonen er eit større kompleks som omfattar Bardufoss flystasjon og leirane Heggelia og Rusta. Saman med Setermoen og Skjold leirar, er Bardufoss eit militært kraftsenter i nord.

Frå flystasjonen opererer Luftforsvarets maritime helikopterving, og 337 skvadron. I tillegg held Luftforsvarets flygeskule til her med Saab Safari som undervisningsfly. I framtida vil også Seahawk operere frå flystasjonen.

Forsvaret sørgjer for drifta og tryggleiken på både den sivile og militære delen av flyplassen. 339 skvadron opererer med tre av sine Bell 412 SP-helikopter ut frå Bardufoss.

Hærstaben held også til på Bardufoss. Det same gjer Sambandsbataljonen, Stridstrenbataljonen, Militærpolitikompaniet, Trenregimentet og Brigadestaben. Desse hæravdelingane er tett integrerte med Hæren på Skjold og Setermoen, som ligg høvesvis tre kvarter og ein halv times køyretur unna.

Forsvarets logistikkorganisasjon (FLO) er representert med Regional logistikkleiing Nord (RLL N). Forsvarets verkstad Troms-Finnmark, som inngår i FLO, har ein fellesverkstad i Rusta leir. På Bardufoss driv FLO også eit uniformsutsal og ein flyterminal for handsaming av nasjonal og alliert flytransport.

  1. Hundeekvipasjer, tilhørende Militærpolitiets hundetropp (K9), på lavinetrening i Troms. // Norwegian Army K9-unit, assigned to the Military Police Coy of Brigade North.
    Hundeekvipasje frå Militærpolitiets hundetropp K9. Militærpolitikompaniet har hovudkvarteret sitt på Bardufoss. Foto: Ole-Sverre Haugli, Forsvaret
  2. Soldater fra Hundetroppen i Militærpolitikompaniet, på den multinasjonale vinterøvelsen Northern Wind 19 i Sverige.
    Soldatar frå Militærpolitikompaniet på øving. Kompaniet har 60 tilsette og 60 vernepliktige. Hovudoppgåva er å halde ro og orden blant militært personell. Foto: Ole-Sverre Haugli, Forsvaret
  3. Bell
    Eit Bell 412 i lufta.
  4. Istindportalen ved Bardufoss leir. Istindportalen at camp Bardufoss.
    Fleirbrukshuset Istindportalen har kontor, bibliotek, kino og treningssenter. Foto: Taral Jansen, Forsvaret

Aktivitetstilbod

Som Forsvarets største leir i Nord-Noreg, har Bardufoss mange tilbod til forsvarstilsette og familiane deira. Fleirbruksbygget Istindportalen har to kinosalar, bibliotek, kafé, idrettshall, treningsstudio og klatrevegg. Velferda på Bardufoss låner ut mykje fritids- og idrettsutstyr, og har fleire spelkonsollar.

Like ved ligg badelandet Polarbadet, og tre mil unna finn du skianlegget Målselv fjellandsby. Langs heile Målselvvassdraget er det fine turområde med gode høve for fiske og andre villmarksopplevingar.

Bardufoss lufthamn har daglege direkteflygingar til Oslo.

  1. Soldater fra Sambandsbataljonen i Brigade Nord trener på stridskontakt, under skarpskytingsøvelsen Thunder Reindeer 2019, i Troms.
    Soldatar frå Sambandsbataljonen i Brigade Nord trenar på stridskontakt. Foto: Ole-Sverre Haugli, Forsvaret
  2. Sambandsbataljonen på øvelse får å trene sine rutinene sine. // Norwegian Army Signal Battlion during exercise in Northern Norway
    Sambandsbataljonen held til på Heggelia leir på Bardufoss. Bataljonen sørgjer for at avdelingane kan kommunisere med kvarandre ute i felt. Foto: Frederik Ringnes, Forsvaret
  3. Soldater fra Stridstrenbataljonen transporterer ammunisjon til fremskutt feltlagring, under brigadeøvelsen Thunder Reindeer 2020, på Fossmofeltet i Troms.
    Soldatar frå Stridstrenbataljonen transporterer ammunisjon til framskoten lagring i felt. Bataljonen har rundt 200 tilsette og 300 vernepliktige. Foto: Ole-Sverre Haugli, Forsvaret
  4. Cold Response 2020: Soldater fra Brigade Nord flytter materiell ut i stilling med Scania tungtransportvogner under den multinasjonale vinterøvelsen CR20.
    Stridstrenbataljonen held til på Rusta leir på Bardufoss. I tillegg er det eit kompani på Rena i Innlandet. Foto: Ole-Sverre Haugli, Forsvaret

Kommunen og bustad

Bardufoss er knutepunktet i Målselv kommune, sør i Troms og Finnmark fylke. Kommunen har rundt 6650 innbyggarar. Tromsø ligg knappe to timar unna med bil.

Landskapet er sterkt dominert av Målselvdalen. I botnen av dalføret slyngjer Målselva seg. Eit anna viktig dalføre er Dividalen med Divielva. Store delar av kommunen er dekt av skog.

Bustad og familienettverk

Forsvaret har fleire utleigebustader for personellet på Bardufoss. Sjå Forsvarsbygg Basen for meir informasjon.

Ved fleire av Forsvarets tenestestader er det frivillige familienettverk. På Bardufoss finn du Jenteligaen, ei sosial foreining for alle kvinner som er tilknytt Forsvaret på Bardufoss – både tilsette og medflyttarar. Jenteligaen arrangerer treff, festar og turar. Ta gjerne kontakt med Jenteligaen på Facebook.

Familiekoordinator

For å gi betre støtte til forsvarsfamiliane, er det familiekoordinatorar ved dei fleste tenestestadene til Forsvaret. Koordinatoren skal leggje til rette for familiesamlingar, møte og gi informasjon om kva avdelinga kan tilby familiane.

Kontakt basen eller avdelinga di for å komme i kontakt med familiekoordinatoren din.

Sjå også